Татарстан Дәүләт автоинспекциясе һава торышы начарлануы турында кисәтә

Синоптиклар фаразлавынча, 28 һәм 29 октябрьдә республика территориясендә төнлә бераз кар явуы һәм һава температурасының төшүе көтелә. Шуңа бәйле рәвештә юлларда бозлавык булачак.

Дәүләт автоинспекциясе машиналарны кышка әзерләүнең кирәклеген искәртә. Шулай ук машина йөртүчеләргә куркынычсыз тизлек сайларга, каршы як полосага чыкмаска, иминлек каешлары эләктереп йөрергә һәм юл хәрәкәте кагыйдәләрен үтәргә кирәклекне тагын бер кат искә төшерәләр.