Татарстан галимнәре үтә нык асфальт уйлап чыгарган

Казан Федераль Университетының геология һәм нефть-газ технологияләре кафедрасы хезмәткәрләре аеруча нык һәм экологик яктан чиста юл капланмасы эшләгән. 
Әлеге эшләнмә яхшыртылган характеристикага ия. Бу исә үз чиратында экологиягә уңай тәэсир итәргә мөмкин. Юл капланмасының үтә нык булуы сәбәпле, чокыр ремонтын ясау кирәк булмаячак. 
Барлык технологик нечкәлекләрне исәптә тоткан очракта, асфальт капланма энергетик яктан да отышлы булачак. Чөнки бу очракта активлаштырылган порошокларның кирәге юк. 
Фәнни тестлар үткәрү өчен махсус Сынау үзәге булдырылган.
Хәзерге вакытта галимнәр яңа региональ материаллар эзләү белән мәшгуль.