Татарстан мәктәпләре балаларны 1 сентябрьдә кабул итәргә әзер

Татарстанда 1404 белем бирү оешмасы эшли, бу уку елында укучылар саны 450 меңнән артык кеше тәшкил итәчәк, беренче сыйныфка 56 меңнән артык бала барачак. Бу хакта ТР Мәгариф һәм фән министры урынбасары Азат Шәрәпов хәбәр итте.
Аның сүзләренә караганда, хәзерге вакытта полициянең ашыгыч чакыру кнопкасы белән 98% мәктәп, видеокүзәтү системалары белән — 75%, керү контроле системалары белән — 43%, сак сигнализациясе белән 54% тәэмин ителгән. Агымдагы елда видеокүзәтү системалары белән тагын алты мәктәп җиһазландырылачак.
Азат Шәрәпов билгеләп үткәнчә, Татарстан мәктәпләре 1 сентябрьгә әзерлекнең югары дәрәҗәсендә.
Быел Алабуга мәктәпләренә беренче тапкыр 1300 укучы барачак.