Татарстан Президенты Путинга проблемалы банклар мәсьәләсен хәл итү турында сөйләде

Бүген Татарстан Президенты Россия Президенты Владимир Путинга алданган өлешчеләр һәм проблемалы банклар хезмәтләреннән кулланучылар проблемаларын хәл итү турында сөйләде. Очрашу Мәскәү Кремлендә узды, дип хәбәр итә республика башлыгы матбугат хезмәте.

Татарстан Президенты республика ярдәм фонды булдырылуы турында искәртте, ул проблемалы банклар клиентларына түли башлаган. Алданган өлешчеләр проблемаларын хәл итү буенча эш алып барыла, җир һәм инфраструктура белән ярдәм итәчәк фонд булдырыла.

“Киләчәктә федераль фонд оештырылачак. Ә катлаулы вазгыятьтә калган кешеләргә ярдәм итәчәкбез”, - диде Миңнеханов.

Республика РФ Президентының “май указлары”н тулысынча үти, агымдагы ел нәтиҗәләре буенча билгеләнгән күрсәткечләргә ирешәчәк, дип билгеләп үтте Миңнеханов.

Республикада тәмамланып килүче ел нәтиҗәләре буенча тулаем төбәк продукты һәм сәнәгать производствосы индексы фаразлана. Авыл хуҗалыгы продукциясен производствосында үсеш 5,5 процент тәшкил иткән, диде Татарстан Президенты.

ЧЫГАНАК: http://tatar-inform.tatar