Татарстан сәламәтлек саклау министрлыгы «Земский доктор» программасы буенча 127 медик җәлеп итәргә планлаштыра

Татарстан сәламәтлек саклау министрлыгы узган ел «Земский доктор» программасын тормышка ашыруга йомгак ясады.

Республиканың авыл медицина учреждениеләренә 83 табиб һәм урта звенодагы 21 медицина хезмәткәре — барлыгы 104 белгеч җәлеп ителгән.

2023 елда бу санны 127гә кадәр күтәрү планлаштырыла.

«Земский доктор» программасы 50 меңгә кадәр кеше яшәгән торак пунктларга эшкә килгән табибларга бер тапкыр бирелә торган түләүләрне күздә тота. Табиблар миллионнан алып миллион ярымга кадәр, фельдшерлар ярты миллионнан алып 750 мең сумга кадәр акча ала.

Программа сәламәтлек саклау илкүләм проектының бер өлеше булып тора.