Татарстанда +17 градуска кадәр җылы булачак

Бүген, 9 апрельдә, Татарстанда температура фонының күтәрелүе фаразлана. Бу хакта ТР Гидрометеоүзәге хәбәр итә, дип яза «Татар-информ».

Республикада иртән кыска вакытлы яңгыр явачак һәм кайбер урыннарда томан сакланачак. Көндез явым-төшем көтелми.

Көнбатыш һәм көньяк-көнбатыш җилләре 4-9 м/с көч белән исәчәк. Көндезге сәгатьләрдә ул урыны белән секундына 14 метрга кадәр җитәчәк, дип билгеләп үтә метеорологлар.

Республикада көндез +12...+17 градус җылы булачак.