Татарстанда 245 кеше COVID-19 йоктырган

Татарстанда кичә 245 кеше COVID-19 йоктырган. Шуларның 16сы — 18 яшькә кадәр балалар. Яңа вирус йоктырган 32 кеше хастаханәгә озатылган.

Казанда коронавирусны 86 кеше йоктырган. Чаллыда — 22, Түбән Камада — 15, Алабугада 1 кешедә инфекция ачыкланган. Татарстанның 36 районында COVID-19 йоктыручылар теркәлгән.

20 апрельгә алынган мәгълүматлар буенча, Татарстанда барлыгы COVID-19 белән авыруның 142 352 очрагы теркәлгән.

Фото: pixabay.com