Татарстанда автобуслар, такси һәм фуралар өчен хәрәкәт чикләнде

Татарстанда көчле җил, буран һәм кар яву сәбәпле, такси, йөк машиналары һәм автобуслар өчен трассалар вакытлыча ябыла. Бу хакта Алабуга ЮХИДИ бүлегендә хәбәр иттеләр. 

Дәүләт автоинспекциясе юл хәрәкәтендә катнашучыларга торак пунктлардан читкә чыкмаска киңәш итә.

Юлда штаттан тыш хәлләр килеп туган очракта түбәндәге телефоннар буенча: 8(843)5333888 (ТР буенча ЭЭМ Дәүләт автоинспекциясенең дежур өлеше), 8(843)2919911 (ТР Транспорт һәм юл хуҗалыгы министрлыгының диспетчерлык хезмәте) мөрәҗәгать итәргә мөмкин.