Татарстанда Белем бәйрәмен күчерделәр

2024 елда Татарстанда бу бәйрәм 2 сентябрьдә узачак. Бу хакта республиканың Мәгариф һәм фән министры Илсур Һадиуллин хәбәр итте. «Без Россия Федерациясе Мәгариф министрлыгыннан Белем бәйрәме 2 сентябрьгә күчереләчәге турында хәбәр алдык. Шулай итеп, 1 сентябрь безнең балалар өчен гамәлдән чыгарылмый, бары тик аны бәйрәм итү 2 нче числога күчерелә» диде министр. Мондый үзгәреш 1 сентябрьнең ял көненә — якшәмбегә туры килүе белән бәйле.