Татарстанда буран һәм көчле җил көтелә

Чәршәмбе, 22 февральдә, Татарстанда һава шартларының начараюы фаразлана. Иртәгә урыны белән буран вакытында күз күреме 1-2 км га һәм аннан да кимрәккә начарланырга мөмкин. Төньяк-көнчыгыштан секундына 15-17 метр тизлектә көчле җил көтелә.

ТР Гидрометеорология үзәге фаразы буенча, төнлә −14кә кадәр суыта. Көндез термометр баганалары −3 градустан −8 градуска кадәр күрсәтәчәк. Юлларда бозлавык.