Татарстанда эшмәкәрләр дезинфекция өчен 146 миллион сумнан артык акча алган

Дезинфекция чыгымнарын субсидияләү программасы кысаларында Татарстан эшкуарлары 146 миллион сумнан артык акча алган. Программа 15 сентябрьгә кадәр озайтылды. Мондый мәгълүматны ТР Икътисад министрлыгының матбугат хезмәте җиткерде. 
Дезинфекция чыгымнарын субсидияләү программасы эшмәкәрләрдә зур уңыш казана. Субсидияне эшчәнлеге персоналның клиент белән тыгыз һәм озак контактлары белән бәйле оешмалар гына алу хокукына ия.