Татарстанда иртәгә яңгыр, урыны белән кар явуы ихтимал

Синоптиклар Татарстан халкын 12 октябрьдә көчле җил турында кисәтә. Гидрометеоүзәк фаразы буенча, җил көньяк-көнбатыштан, тизлеге секундына 15-20 метр, урыны белән 24 метрга кадәр җитәчәк.

Республика буенча гадәттән тыш хәлләр министрлыгының Баш идарәсендә татарстанлыларга реклама щитлары, юл билгеләре, агачлар һәм электр линияләре астында яшеренмәскә киңәш итәләр.

Пәнҗешәмбе, 12 октябрьдә, көндез яңгыр, урыны белән кар явуы ихтимал. Һава температурасы +4..+9 градус тәшкил итәчәк.