Татарстанда юеш кар һәм буран көтелә

Татарстанда юеш кар һәм бозлавык көтелә. Бу хакта ТР Гидрометеорология үзәге хәбәр итә.

Синоптиклар мәгълүматларына караганда, иртәгә, 27 гыйнварда республика территориясендә аязучан болытлы булачак. Урыны белән бераз юеш кар явачак. Аерым районнарда буран, төнлә урыны белән бозлавык булырга мөмкин.

Көньяк-көнбатыштан урыны белән тизлеге секундына 16 метр тизлектә көчле җил исәчәк. Төнлә һәм иртән −5..-10˚. Көндез максималь һава температурасы −3..-8˚. Юлларда бозлавык.