Татарстанда кичә 108 кеше коронавирус йоктырган

Татарстанда коронавирус белән авыручылар саны кимүен дәвам итә. Соңгы тәүлектә республикада ковидның 108 очрагы ачыкланган. Стопкоронавирус.рф порталында шул турыда хәбәр ителә.

36 кешене хастаханәдә дәваларга кирәк булган. Савыккан 158 кеше өйләренә җибәрелгән.

Пандемия башланганнан бирле республикада Covid-19 белән 188 486 кеше зарарланган, 185 354 авыручы сәламәтләнгән. Татарстанның 2 меңнән артык кешесе бу йогышлы чирдән үлгән.