Татарстанда кичә 1725 кеше COVID-19 йоктырган 

Яңа вирус йоктырган 246 кеше хастаханәгә озатылган, 1479 кеше өйдә дәвалана.

Казанда — 1190, Чаллыда — 126, Алексеевск районында — 41, Яшел Үзәндә — 34, Түбән Камада — 33, Арча, Сабада — 32, Буада — 24, Биектауда — 21, Әгерҗедә — 20, Зәй һәм Тукай районнарында — 18, Апаста — 17, Балык Бистәсендә — 16, Лаеш һәм Питрәчтә — 15, Теләчедә — 10, Әлмәт, Яңа Чишмәдә — 8, Алабугада — 7, Чистайда — 6, Актаныш, Чүпрәле, Кайбычта — 4, Азнакай, Кама Тамагы, Менделеевск, Спаста — 3, Кукмара, Тәтештә — 2, Аксубай, Баулы, Югары Ослан, Мамадыш, Сарман, Ютазы районнарында берешәр кеше йоктырган.

10 февральгә алынган мәгълүматлар буенча, Татарстанда барлыгы COVID-19 белән авыруның 60 489 очрагы теркәлгән.

Пандемия башланганнан бирле коронавирус инфекциясе йоктырган 42 581 кеше савыккан. Узган тәүлектә — 927 кеше.

Барлыгы 2 427 942 кешегә прививка ясалган. Шулардан 1 896 321 кеше прививканың икенче дозасын ясаткан. Кабаттан вакциналаштыруны 211 909 кеше үткән. 

Фото: pixabay.com