Татарстанда кичә 777 кеше COVID-19 йоктырган 

Яңа вирус йоктырган 120 кеше хастаханәгә озатылган, 657 кеше өйдә дәвалана.

Казанда — 410, Чаллыда — 134, Түбән Камада — 83, Әлмәттә — 26, Зәйдә — 19, Буада — 14, Алабугада — 10, Балтачта — 9, Югары Ослан, Яшел Үзән, Питрәч һәм Тукай районнарында — 8әр, Лаешта — 6, Теләчедә — 5, Биектау, Кукмарада — 4, Актаныш, Сабада — 3шәр, Арча, Бөгелмә, Минзәлә, Мөслимдә — икешәр, Әгерҗе, Әлки, Баулы, Чүпрәле, Кама Тамагы, Лениногорск һәм Нурлат районнарында берешәр кеше йоктырган.

1 февральгә алынган мәгълүматлар буенча, Татарстанда барлыгы COVID-19 белән авыруның 49 642 очрагы теркәлгән.

Пандемия башланганнан бирле коронавирус инфекциясе йоктырган 39 348 кеше савыккан. Узган тәүлектә — 220 кеше.

Барлыгы 2 398 289 кешегә прививка ясалган. Шулардан 1 885 652 кеше прививканың икенче дозасын ясаткан.