Татарстанда коронавирус белән авыручылар саны 40 процентка кимегән

Бу хакта ТР Министрлар Кабинетында узган брифингта Роспотребнадзорның ТР буенча идарәсе җитәкчесе Марина Патяшина хәбәр итте.

«Без дүрт атна дәвамында коронавирус инфекциясе белән авыручылар саны кимүен күзәтәбез. Соңгы атнада бу кимү аеруча зур булды — узган атна белән чагыштырганда 40 процентка күбрәк», — дип билгеләп үтте спикер.

Марина Патяшина аңлатканча, бу вакциналаштырылган кешеләр саны күп булу аркасында килеп чыккан: хәзер халыкның 74 %ы прививка ясаткан.