Татарстанда коронавирус инфекциясе йоктыруның 35 яңа очрагы расланган

Татарстан Республикасында коронавирус инфекциясе белән авыруның 35 яңа очрагы ачыкланган. Бу хакта ТР буенча COVID-19га каршы көрәш штабы хәбәр итә.
12 кеше хастаханәләргә озатылган, 23 кеше өйдә дәвалана.
Казанда — 13, Чаллыда — 8, Балтач һәм Лениногорск районнарында — 2шәр, Азнакай, Әлмәт, Югары Ослан, Яшел Үзән, Кама Тамагы, Лаеш, Менделеевск, Минзәлә, Балык Бистәсе, Тукай районнарында берәр очрак ачыкланган.
25 апрельгә Татарстанда COVID-19 белән авыруның 20 272 очрагы расланган.
Эпидемия башланганнан бирле коронавирус инфекциясе йоктырган 17 378 кеше савыккан, узган тәүлектә — 5 кеше.