Татарстанда коронавирус йоктырган 32 кешене хастаханәгә озатканнар

Яңа вирус йоктырган 32 кеше хастаханәгә озатылган, 21 кеше өйдә дәвалана.

Авыручыларның төп яшь төркемнәре түбәндәгечә: 18 яшькә кадәр — 2, 18дән 30 яшькә кадәр — 8, 30дан 50 яшькә кадәр — 11, 50дән 60 яшькә кадәр — 7, 60тан 70 яшькә кадәр — 13, 70тән 80 яшькә кадәр — 9, 80нән 90 яшькә кадәр — 3 очрак ачыкланган.

Казанда — 29, Түбән Камада — 4, Чаллыда — 3, Югары Ослан, Биектау, Лениногорск районнарында — 2шәр, Әгерҗе, Азнакай, Арча, Бөгелмә, Зәй, Яшел Үзән, Нурлат, Питрәч, Балык Бистәсе, Тукай һәм Ютазы районнарында берешәр кеше йоктырган.

2 мартка алынган мәгълүматлар буенча, Татарстанда барлыгы COVID-19 белән авыруның 18 082 очрагы теркәлгән.

Пандемия башланганнан бирле коронавирус инфекциясе йоктырган 14 692 кеше савыккан, узган тәүлектә — 107 кеше.

Спутник-V вакцинасы белән 82 709 кешегә прививка ясалган. Шулардан 20 044 кеше вакцинаның икенче дозасын алган. 

Вакцинациягә 5 төрле ысул белән язылырга була:

1.    РФ бердәм дәүләт хезмәтләре порталы (ЕПГУ)
2.    Татарстан Республикасының дәүләт һәм муниципаль хезмәтләр порталы
3.    122 бердәм номерына шалтыратып
4.    КПҮкә (МФЦ) мөрәҗәгать итеп
5.    Хастаханәгә шалтыратып.