Татарстанда коронавирус йоктыруның 39 яңа очрагы расланган

Татарстан Республикасында коронавирус инфекциясе белән авыруның 39 яңа очрагы ачыкланган. Бу хакта ТР буенча COVID-19га каршы көрәш штабы хәбәр итә.
20 кеше хастаханәләргә озатылган, 19 кеше өйдә дәвалана.
Казанда — 12, Чаллыда — 8, Баулыда — 5, Лаешта — 4, Бөгелмәдә — 3, Лениногорск районында — 2, Азнакай, Буа, Биектау, Минзәлә, Тукай районнарында берәр очрак ачыкланган.
3 майга Татарстанда COVID-19 белән авыруның 20 567 очрагы расланган.
Эпидемия башланганнан бирле коронавирус инфекциясе йоктырган 17 609 кеше савыккан, узган тәүлектә — 5 кеше.