Татарстанда «Россия — Ислам дөньясы: KazanSummit 2021» икътисади саммиты узачак

28 июльдән 30 июльгә кадәр Казанда «Россия — Ислам дөньясы: KazanSummit 2021» икътисади саммиты узачак. Чара барышында партнерлык финанслары, хәләл индустриясе, яшьләр дипломатиясе, медицина, спорт, креатив индустрия, экспортны үстерү, эшмәкәрлек һәм инвестицияләр мәсьәләләре буенча фикер алышачаклар. 

Саммитта катнашучылар һәм кунаклар шулай ук Russian Halal Expo хәләл индустриясе күргәзмәсен карый һәм машина төзелеше кластер форумында катнаша алачак. 

Исегезгә төшерәбез, «Россия — Ислам дөньясы: KazanSummit 2021» XII халыкара икътисади саммиты онлайн һәм офлайн форматында "Казан Экспо"күргәзмә үзәгендә узачак.