Татарстанда сайлауларда гражданнарның санитар куркынычсызлыгын ничек тәэмин итәчәкләре билгеле булды

Татарстанның барлык участок сайлау комиссияләре дезинфекция чаралары белән тәэмин ителәчәк. Бу хакта ТР Үзәк сайлау комиссиясе рәисе Андрей Кондратьевка сылтама белән «Татар-информ» мәгълүмат агентлыгы хәбәр итә. Бу 25 августка кадәр эшләнәчәк. 
Сайлау участокларында термометрия режимы гамәлдә булачак һәм дистанция сакланачак, битлекләр, перчаткалар һәм ручкалар биреләчәк. Татарстанда 11-13 сентябрьдә берьюлы дүрт сайлау кампаниясе узачак.