Татарстанда соңгы тәүлектә 111 кеше COVID-19 йоктырган

Яңа вирус йоктырган 19 кеше хастаханәгә озатылган, 92 кеше өйдә дәвалана.

Казанда — 63, Чаллыда — 20, Яшел Үзәндә — 5, Лаешта — 4, Алабуга, Чистайда — 3, Лениногорск һәм Тукай районында — 2, Аксубай, Алексеевск, Югары Ослан, Зәй, Түбән Кама, Яңа Чишмә, Нурлат, Питрәч һәм Балык Бистәсе районнарында берешәр кеше йоктырган.

18 гыйнварга алынган мәгълүматлар буенча, Татарстанда барлыгы COVID-19 белән авыруның 44 522 очрагы теркәлгән.

Пандемия башланганнан бирле коронавирус инфекциясе йоктырган 37 786 кеше савыккан. Узган тәүлектә — 128 кеше.

Барлыгы 2 328 100 кешегә прививка ясалган. Шулардан 1 870 302 кеше прививканың икенче дозасын ясаткан.