Татарстанда соңгы тәүлектә 31 кеше COVID-19 йоктырган

Казанда — 9, Чаллыда — 9, Түбән Камада − 4, Бөгелмәдә — 2, Азнакай, Алексеевск, Әлмәт, Биектау, Минзәлә, Нурлат, Питрәч районнарында берешәр кеше әлеге инфекцияне йоктырган.
29 майга алынган мәгълүматлар буенча, Татарстанда барлыгы COVID-19 белән авыруның 21 423 очрагы теркәлгән.
Пандемия башланганнан бирле коронавирус инфекциясе йоктырган 18 428 кеше савыккан, узган тәүлектә — 84 кеше.
Барлыгы 356 341 кешегә прививка ясалган. Шулардан 258 627 кеше прививканың икенче дозасын ясаткан.