Татарстанда соңгы тәүлектә 35 кешедә коронавирус инфекциясе ачыкланган

Татарстан Республикасында коронавирус инфекциясе белән зарарлануның 35 яңа очрагы ачыкланган. Бу хакта ТР буенча COVID-19га каршы көрәш штабы хәбәр итә. 
9 кеше хастаханәләргә озатылган, 26 кеше өйдә дәвалана. Авыручыларның төп яшь төркемнәре түбәндәгечә: 18дән 30 яшькә кадәр — 6 очрак, 30дан 50 яшькә кадәр — 13 очрак, 50дән 60 яшькә кадәр — 8 очрак, 60тан 70 яшькә кадәр — 4 очрак, 70тән 80 яшькә кадәр 4 очрак ачыкланган.
Казанда — 20, Яр Чаллыда — 3 кешедә коронавирус инфекциясе теркәлгән. Әлмәт, Яшел Үзән, Кайбыч районнарында икешәр очрак расланган. Югары Ослан, Биектау, Зәй, Мамадыш, Түбән Кама, Нурлат районнарында берәр очрак теркәлгән.
12 октябрьдә Татарстанда COVID-19 белән авыруның 7584 очрагы теркәлгән. Эпидемия башланганнан бирле коронавирус инфекциясе йоктырган 6381 кеше савыккан, узган тәүлектә — 7 кеше.