Татарстанда водолазлар Ык елгасында баткан 18 яшьлек кызны эзләвен дәвам итә

Татарстанда водолазлар Ык елгасында баткан 18 яшьлек кызны эзләвен дәвам итә. Бу хакта «Татар-информ» Россия Гадәттән тыш хәлләр министрлыгының ТР буенча Баш идарәсе матбугат хезмәтенә сылтама белән хәбәр итә.

Узган тәүлектә Лениногорскиның 7нче зона янгын-коткару отряды һәм Әлмәтнең янгын-коткару бүлекчәсе хезмәткәрләре кызны эзләүдә катнашты. Водолазлар төркеме һәм трал ярдәмендә 7000 квадрат метр мәйдан тикшерелде.

Элегрәк «Татар-информ» агентлыгы Күктәкә авылы янында бер кыз белән егетнең суга батуы хакында хәбәр иткән иде. Егетне шаһитлар судан чыгарган, ә кызны коткаручылар эзли.