Татарстанда яшенле яңгыр һәм 28 градус җылы фаразлана

9 июньдә Татарстанда алмашынучан болытлы һава торышы булачак. Урыны белән кыска вакытлы яңгыр явачак. Көндез һәм кич кайбер районнарда яшенле яңгыр булырга мөмкин. Төньяк-көнчыгыштан уртача тизлектә, яшен вакытында 15-18 метр тизлектә көчле җил исәчәк. Төнлә +10..+15˚, көндез +23..+28˚ градус.

Кимүче ай, ай игезәкләр йолдызлыгында.

Яшелчә шытымнарын сирәкләргә була. Помидор һәм борычларның ян-яктагы ботакларын сындырып алырга кирәк, дип яза Татар-информ.