Татарстанда законсыз чүп урыннары бетерелә

Мисалга, Саба районында нефть калдыклары белән пычранган җирләрне яңадан торгызалар. Эшләр «Экология» милли проекты һәм «Чиста ил» федераль проекты кысаларында башкарыла. Биредә эшләрнең 95% үтәлгән. Барлыгы бу чараларга 76,6 миллион сум акча юнәлтелгән.
Шулай ук әлеге проектлар ярдәмендә Татарстанның Түбән Кама районы Прости авылы янындагы чүплек рекультивацияләнәчәк. Эшләр 35 гектар мәйданда үткәрелә. Проект 2021 елда төгәлләнәчәк. Чүплекне бетерүгә барлыгы 740 миллион сум бүлеп бирелгән.