Татарстанлыларны милли үсеш максатлары турында сораштыруда катнашырга чакыралар

РФ Хөкүмәте каршындагы аналитика үзәге теләге булган һәркемне «Милли үсеш максатларына ирешү юллары» темасына сораштыруда катнашырга чакыра. Бу хакта ТР Икътисад министрлыгының матбугат хезмәте хәбәр итә. 
Мисалга, катнашучылар мәгариф, фән һәм мәдәният, социаль өлкә, хезмәт һәм эшмәкәрлек, цифрлы технологияләр өлкәсендәге аеруча әһәмиятле булган чараларны сайлый ала. 
Сайтта сораштыруны аноним рәвештә үтәргә була. Мәгълүматлардан җенес, яшь һәм эшчәнлек өлкәсен генә күрсәтергә кирәк. 
Сораштыру социаль-икътисади сәясәтнең халык арасында популяр булган юнәлешләрен ачыкларга ярдәм итә.