Татарстанлыларны туганнарына соцпакетны сайлап алуда ярдәм күрсәтергә чакыралар

Яшь татарстанлыларны социаль пакетны сайлап алуда федераль ташламалар алучы өлкән яшьтәге туганнарына ярдәм итәргә чакыралар.
ТР буенча Россия Пенсия фондының социаль түләүләр бүлеге башлыгы Гөлсинә Сабирова искәртеп узганча, ташламалардан баш тартырга һәм социаль хезмәтләр җыелмасы бирү турында гаризаны 1 октябрьгә кадәр тапшырырга кирәк.
Соцпакет исемлегенә рецептлар буенча дарулар, шифаханә-курорт дәвалануына юлламалар, шәһәр яны тимер юл транспортында бушлай йөрү, шулай ук дәвалану урынына шәһәрара транспортта бушлай бару һәм кайту керә.