Татарстанның халык артисты Хәмдүнә Тимергалиева вафат

Татарстанның халык артисты Хәмдүнә Тимергалиева вафат. Бу хакта «Татар-информ» мәгълүмат агентлыгы яза.
Җырчыны репетициягә алып барырга дип иртән бакчасына килгән җырчы Илһам Шәриф Хәмдүнә Тимергалиеваның вафат булуын күргән.
Хәмдүнә Тимергалиева — Татарстан Республикасының халык артисты. Аның түбәндәге бүләкләре бар иде: Татарстан Республикасы Президенты (2004) һәм Татарстан Республикасы Премьер-министрының (2009) рәхмәт хатлары, Татарстан Республикасының Россия Федерациясендәге вәкаләтле вәкиленең (2010) рәхмәт хаты, Татарстан Республикасы Мәдәният министрлыгының «Мәдәнияттәге казанышлар өчен» күкрәк билгесе (2004), «Казанның 1000 еллыгы истәлегенә» медале (2005).