Татьяна Ларионова Алабугада яшәүче үзенчәлекле баланың теләген үтәде

РФ Дәүләт Думасы депутаты Татьяна Ларионова Алабугада яшәүче «үзенчәлекле» баланың хыялын тормышка ашырды. Яңа ел алдыннан җитәкче «Теләкләр чыршысы» Бөтенроссия акциясенә кушылды.

Шушы көннәрдә «Бердәм Россия» партиясенең җирле бүлекчәсендә Татьяна Ларионова катнашында видеоконференция узды. Ул алабугалыларга видеоэлемтә аша мөрәҗәгать итте, якынлашып килүче Яңа ел белән котлап, уңышлар, сәламәтлек һәм иминлек теләде. Алабугада «Бердәм Россия» партиясенең Алабуга бүлекчәсе секретаре Светлана Соколова һәм «Яшь гвардия» Бөтенроссия иҗтимагый оешмасы волонтерлары татлы бүләк һәм планшет тапшырды.