ТР мәгариф министры балалар бакчасы өчен түләү арту сәбәпләрен аңлатты

Мәгариф һәм фән министры Илсур Һадиуллин 2021 елда балалар бакчалары өчен түләү арту сәбәпләрен аңлатты. 
Министр сүзләренчә, 2021 елның 1 гыйнварыннан балалар бакчасында ата-аналар түләве 4 процентка арта. Түләү елга бер мәртәбә күтәрелә. Ата-аналарның 80 проценты өчен түләү 125 сумга артачак. Алар балаларны карау һәм тәрбия өчен түли. Бирегә ашату, балаларны карап тору, кухня хезмәткәрләре эше керә. Калган чыгымнарны республика түли. 
Моннан тыш, бала бакчага килмәгән очракта, ата-аналар туклану өчен түләми, дип искә төшерде Һадиуллин.