ТРда хезмәткәрләрнең бер өлешен дистанционкага күчерәләр

Республиканың Роспотребнадзор идарәсе җиткәчеләргә 65 яшьтән өлкән хезмәткәрләрне дистанционкага күчерергә киңәш итә. Әлеге мәгьлүматны ведомство җитәкчесе урынбасары Любовь Авдонина җиткерә.
Җитәкче әйтүенчә, Министрлар Кабинетының 208 санлы карары буенча, өлкән яшьтәге кешеләргә үзизоляциягә китү киңәш ителә. 
Короновирус сәбәпле, республикада битлек режимын саклауны һәм оешкан коллективларда санитар таләпләрне үтәүне тикшерү көчәйтелгән.