Туган як картиналары

И.Шишкин исемендәге сәнгать мәктәбен тәмамлаган рәссамның иҗат тормышында бу беренче шундый зур вакыйга. Ул тәүге мәртәбә үзенең картиналарын тамашачы игътибарына тәкъдим итә. Күргәзмәдә рәссамның "Кама буенда", "Тойма киче", "Нарат урманы" һәм тагын утыздан артык эше куелган. Рәссам картиналарында чагылган төп фикер аерым бер симфония барлыкка китерә, ә ул гел үзгәреп торган табигатьнең мәңгелек тормышы турында хикәяли.