Узган атнада Алабуга ашыгыч ярдәм бригадасы 504 тапкыр юлга чыккан

Узган атнада Алабуга үзәк район хастаханәсенең ашыгыч ярдәм бригадасы кешеләрнең тормышын саклап калу өчен, 504 тапкыр юлга чыккан, шул исәптән, 90 тапкыр алар балалар янына ашыккан.

Бер атнада 6 юл-транспорт вакыйгасында 7 кеше зыян күргән.

Миокард инфаркты белән кабул итү бүлекләренә 8 кеше китерелгән, 6 кешене инсульт белән хастаханәгә салганнар.

56 пациент көнкүрештә һәм урамда төрле җәрәхәтләр алган.

60 кеше, шул исәптән 37 бала, респиратор авырулардан зарланган.

Хайван һәм бөҗәкләр тешләгәннән зарланучылар теркәлмәгән, янгыннарда зыян күрүчеләр юк. 

Ашыгыч ярдәм бригадаларын 24 тапкыр бер сәбәпсез чакырганнар.