Узган атнада Алабуганың ашыгыч ярдәм бригадалары 703 тапкыр юлга чыккан

Узган атнада, 19 декабрьдән 24 декабрьгә кадәр, Алабуга үзәк район хастаханәсенең ашыгыч ярдәм бригадалары кешеләрнең тормышын саклап калу өчен, 703 тапкыр юлга чыккан, шул исәптән, 210 тапкыр алар балалар янына ашыккан.

Миокард инфаркты белән кабул итү бүлегенә 6 кеше китерелгән, 8 кешене инсульт белән хастаханәгә салганнар. 268 кеше, шул исәптән 155 бала, респиратор авырулардан зарланган. Янгын чыгу сәбәпле, 1 кеше зыян күргән.

Ашыгыч ярдәм бригадаларын узган атнада 37 тапкыр бер сәбәпсез чакырганнар.