«Халык инспекторы»: юл хәрәкәте кагыйдәсен бозу турында хәбәр иткән өчен 200 мең сум түләнгән

«Халык инспекторы» кушымтасының яңартылган версиясе Татарстанда популярлык казанды: ярты ел эчендә аны 70 мең тапкыр телефонга йөкләгәннәр.

Юл хәрәкәте кагыйдәләрен бозу турындагы хәбәрләр өчен бүләкләү системасы кертелгәннән бирле кулланучыларга 200 мең сумнан артык акча түләнгән.

Татарстан Республикасы Дәүләт автоинспекциясендә билгеләп үтүләренчә, яңарту күп кенә яңа кулланучыларны җәлеп иткән һәм үзенең нәтиҗәлелеген исбатлаган.

Бүләкләү административ хокук бозу рәсми рәсмиләштерелгәннән соң гына түләнә. 

21 категориядән җидесе өчен түләү карала. Алар буенча мөрәҗәгать итүчегә штрафның 25 проценты түләнәчәк.