Ялларда татарстанлыларны +14 градус җылы көтә

Пәнҗешәмбе, 7 апрельдә, юеш кар һәм яңгыр көтелә. Җил секундына 15-20 метрга кадәр булачак. Төнлә һава температурасы 0..-5 градус булса, көндез +2..+7 градус көтелә.

Җомга көндез явым-төшем ихтималы аз. Һава температурасы сизелерлек күтәреләчәк. Төнлә 0..+5 градус көтелә, ә көндез +8..+13 градус фаразлана.

Якынча фаразлаулар буенча шимбә һәм якшәмбе җылы һава торышы, бераз яңгыр көтелә. Төнлә синоптиклар 0..+5 градус, ә көндез +6..+14 вәгъдә итә. Ә якшәмбе +9..+14 градуска кадәр җылы көтелә.