Алабуга автоинспекторлары: яктылык кайтару элементлары — тормыш өчен гаять мөһим

Хәзерге заманда яктылык кайтаручы элементлар — тормыш өчен гаять мөһим аксессуар булып санала.

«Яктылык кайтару элементлары булган предметлар һәм киемнәр куллануга аерым игътибар бирергә һәм әлеге предметларның транспорт чараларын йөртүчеләр тарафыннан күренүен тәэмин итәргә кирәк», — дип сөйләде Алабуга ЮХИДИ бүлеге җитәкчесе Руслан Харисов.

Бала гомере, аның иминлеге өчен ата-ана җаваплы. Шуны истә тотыгыз: яктылык кайтара торган элементлар җәяүлеләрнең гомерен саклап калырга мөмкин.

Урамнар машиналар ташкыны белән тулган заманда, җәяүлеләрнең бик сак булуы сорала.