Алабуга районында быел 16 җәяүлене машина бәрдергән

Быел Алабуга районында 16 җәяүлене машина бәрдергән. Нәтиҗәдә 1 кеше һәлак булган, 15 җәяүле яраланган. 

50 % очракта җәяүлеләр үзләре юл хәрәкәте кагыйдәләрен бозган. 2021 елның 25 октябреннән 3 ноябренә кадәр җәяүлеләр катнашында юл-транспорт имгәнүләрен профилактикалау максатыннан Алабуга районында «Җәяүле» профилактик чара үткәрелә. 

Аның кысаларында җәяүлеләргә юл хәрәкәтендә өстенлекләр бирмәү, җәяүлеләрнең юлны тиеш булмаган урында һәм светофорның тыю сигналына чыгуы, тәүлекнең караңгы вакытында торак пунктлардан читтә җәяүлеләр тарафыннан яктылык кайтаручы элементлар кулланмау очракларын булдырмау буенча эш көчәйтеләчәк.