Алабуга суд приставы каракны тоткарлаган

Суд приставы Илмир Кәлимуллин, өенә кайтканда, ярдәм турында чакыруны ишетә. Ул якындагы супермаркеттан өч егетнең чабып чыгуын күреп ала, кулларында урлаган товар тутырган кәрҗиннәре дә була. Форма кигән кешене күреп, караклар төрле якка йөгерә. Илмир Кәлимуллин кәрҗин тоткан карак артыннан куа китә. Карак, аның артыннан йөгерүен күреп, кәрҗинне ташлый һәм алга таба йөгерә.

Каракларны тотарга шул тирәдә үтеп баручы тагын бер кеше кушыла. Карак тоткарлана һәм полиция хезмәткәрләренә тапшырыла.