Алабугада атна эчендә алты авыр җинаять кылынган

Мондый мәгълүматны полициянең җирле бүлекчәсендә бирделәр.

Узган атнада авыр җинаятьләр категориясенә керә торган 6 җинаять теркәлгән. Бу банк счетларыннан 3 урлау очрагы. Ике очракта зыян күрүчеләр банк карталарын югалткан, ә җинаятьчеләр алар ярдәмендә шәһәрнең төрле кибетләрендә сатып алынган товар өчен түләгән. Бер җинаять ачылган, аны кылган өчен 45 яшьлек алабугалы тоткарланган. 
Бер караклык ысулы ачыкланмаган. Бу очракта 46 яшьлек алабугалының 9 мең сум акчасы урланган.

Шулай ук авыр категориягә караган 2 мошенниклык теркәлгән. Икесендә дә банкның куркынычсызлык хезмәте вәкилләре дип таныштырган билгесез кешеләр 35 һәм 29 яшьлек алабугалы хатын-кызларның 560 мең сум акчасын үзләштергән.