Алабугада бер атна эчендә ике авыр җинаять теркәлгән

Узган атнада полициянең дежур бүлегенә вакыйгалар һәм җинаятьләр турында барлыгы 200 хәбәр килгән. 

Авыр һәм аеруча авыр җинаятьләр категориясенә караган ике җинаять теркәлгән.

Ике җинаять тә — мошенниклык очраклары белән бәйле. Ике факт та акчаларны саклап калу сылтавы белән башкарылган.

Беренче очракта 25 яшьлек җирле кеше билгесез кешеләрнең сүзләренә ышанып, 770 мең сум акчасын югалта. 

68 яшьлек алабугалы белән дә шундый ук хәл була, ул билгесез кешеләрнең күрсәтмәләрен үтәп, 800 мең сум акчасыннан коры кала.