Алабугада июль аенда 13 кеше исерек килеш машина йөртүдә тотылган

Июль аенда Алабугада исерек килеш машина йөрткән 13 шофер тоткарланган. Аларның икесе бу хокукны бозуда икенче тапкыр эләгә, дип хәбәр иттеләр җирле Дәүләт автоинспекциясендә. 

Ел башыннан әлеге хокукны бозган өчен 170 шофер тоткарланган, шуларның 28е кабат тоткарланган. Өч шоферга 1 елдан 3 елга кадәр ирегеннән мәхрүм итү җәзасы билгеләнгән. 25 шоферга 200 сәгатьтән мәҗбүри эшләр билгеләнгән.