Алабугада каршы як полосага чыккан өчен 15 шоферны хөкем иттеләр

Шәһәрдә «Каршы як юл» кисәтү операциясе тәмамланды. Аның барышында Алабуга дәүләт автоинспекторлары 15 административ беркетмә төзегән.

Әлеге чара ноябрьнең 21еннән 27сенә кадәр үткәрелде. Тәртип бозган йөртүчеләргә административ штраф салыначак яисә аларны дүрт айдан алып алты айга кадәр машина йөртү хокукыннан мәхрүм итәргә мөмкиннәр, дип хәбәр итәләр җирле Дәүләт автоинспекциясеннән.