Алабугада җиңел машина җәяүлене бәрдергән

Кичә кич Нефтьчеләр проспекты буенча 141нче йорт янында юл-транспорт һәлакәте булган. Бу хакта җирле Дәүләт автоинспекциясендә хәбәр итәләр. 

17.20дә ВАЗ 21093 автомобиленең 51 яшьлек йөртүчесе, юлны тиеш булмаган урында чыгучы 57 яшьлек җәяүле хатын-кызны бәрдерә. 

Юл-транспорт һәлакәте нәтиҗәсендә зыян күрүче үзәк район хастаханәсенә китерелә. Табиблар аңа төрле дәрәҗәдәге җәрәхәтләр диагнозы куйган.