Алабугада рейд барышында 9 шоферга беркетмә төзелде

Алабугада дәүләт автоинспекторлары «Алабуга-Гари-Абалач» автоюлының 6нчы километрында массакүләм рейд үткәрде. Инспекторлар үтеп баручы транспортны тикшерде. Рейд 1,5 сәгать дәвамында барды. 

Тикшерү нәтиҗәсендә 9 хокук бозу ачыкланган. Бу:

• техник төзексезлекләр (7)
• укылмый торган номерлар (1)
• иминиятләштерү (1) белән бәйле хокук бозулар. 

Хокук бозучыларга административ беркетмәләр төзелгән.