Алабуга нуры

Алабугада яшүсмерләр машина урлаган 

Бу хакта җирле полиция бүлегендә хәбәр итәләр. 

Алабугада полиция хезмәткәрләре ике җинаять ачкан. Ике факт буенча да җинаять эшләре кузгатылган. 

Беренче очракта полициягә гариза белән 23 яшьлек алабугалы мөрәҗәгать иткән. Ул хәбәр иткәнчә, йорт ишегалдыннан аның автомобилен урлап киткәннәр. Хокук саклаучылар шәһәр урамнарының берсендә охшаш автомобильне туктаткан. Руль артында 15 яшьлек алабугалы була. Шулай ук машинада тагын ике үсмер дә була. Яшүсмерләр полициягә китерелә. Күрсәтмә биргәннән соң аларны ата-аналарга тапшырганнар.

Икенче очракта 29 яшьлек ир «Ваз» маркалы машинасын гараж янындагы калдыра. Күпмедер вакыт узгач, ир машинасының юклыгын күрә һәм бу хәл турында хокук сакчыларына хәбәр итә. Бу вакытта инспекторлар документларны тикшерү өчен бер автомобильне туктата. Тик шоферның документлары үзе белән булмый. 19 яшьлек алабугалы тоткарлана һәм полиция бүлегенә китерелә. Ул үз гаебен таныган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: