Алабугалыны фатирында өч кешене ялган теркәгән өчен хөкемгә тарттылар.

Халык судьясы тарафыннан РФ ҖКның 322.3 маддәсендә каралган («Чит ил гражданын яисә гражданлыгы булмаган затны ялган теркәү») җинаять кылуда гаепләнүче гражданга карата җинаять эше каралган. 

Ул, күрә торып, Таҗикстаннан килгән өч кешене фатирында рәсмиләштергән. Суд утырышында ул үз гаебен тулысынча таныган, гамәленә үкенүен белдергән, халык судьясы карары белән гаепле дип табылган. 

Аңа, РФ ҖКның 64 маддәсен кулланып, 10 мең сум күләмендә штраф салу рәвешендә җәза билгеләнгән.